عربى
PLUS
رئيس مجلس الإدارة د.وليد دعبس
رئيس التحرير إسلام عفيفي

افصل بشوية شعر مع محمود علاء "لايف"

الثلاثاء 28/فبراير/2017 - 07:09 م
جورنال مصر
طباعة
مصطفى فاروق
"مكس مزيكا على شعر في حفلة واحدة".. خلاصة ما تحمله احتفالية جماهيرية تجمع بين جو الإلقاء الشعري الممزوج بلمسة المزيكا اللايف والغناء، والتي يقدمها الشاعر محمود علاء، مع فرقته الموسيقية، عبر ليلة سماعية خاصة تستقبلها ساحة "هوا آرت ديستريكت" في الزمالك، وذلك في السادسة مساء الخميس المقبل.

>> اقرا أجدد قصايد محمود علاء:
أبويا مات
كنا أعز صحاب واخوات
روحت للي أحسن مني ومنك
طول عمرك يا أبويا كنت تقولي
ياواد متبقاش سابق سنك
اوعاك ياواد تزعل امك
واخواتك دول بيحبوك
يابني أنا مش قاعدلك
أنا رايح رايح مش هطول
انا سايب راجل مش عيل
إن عشت ياواد 
راح اكونلك ضهر
راح اكونلك مية بتروي
اعذب من مية نهر
انا ابويا في اخر ايامه
كان كل لحظة بيتآلم
كان نفسي يا ابويا تفضل عايش
ومش بسهولة للمرض تسلم
مساء الخير عليك !!
اتمني تكون احسن دلوقت
لو كنت لساك يابويا عايش
كان زمانك بتتعذب مع الوقت
سبتني وبعدت
صف كمانجات حزين بيعزف
لحن احزن من مقام الصبا
كان هيجري ايه يا والدي
لو كنت بس استحملت الدوا
كان زمانك دلوقتي قاعد
وسط بيتك و وسط عيالك
مكنش نفسك يابويا تفضل
لحد ماتشيل بقية احفادك
انا عارف اللي كان فيك
وان المرض صحيح صعب
لكن صدقني والله ما في
اصعب من الكسرة و وجع القلب
انا محتفظ بكل ما ليك
وكل ما تملك شايله معايا
لو فات علي موتك يا ابويا سنين
هتفضل حي ويايا
هدعيلك
ومش هنساك
وهيجي اليوم يابويا واجيلك
وابقي معاك
فراقك صعب
والعمر اهو فات
والأصعب اني في يوم اقول
إن أنا ابويا مات
افصل بشوية شعر مع محمود علاء "لايف"

شارك

تصويت
هل توافق علي مطالب الفلاحين "بالحق في السكن" بديلا للأرضي الزراعية؟
هل توافق علي مطالب الفلاحين "بالحق في السكن" بديلا للأرضي الزراعية؟